Schissivärse 2017

Im Bundeshus da tüe die tagelang parliere
Für e Innländervorrang us ds tariere
Mir isch glich, bi vo däm ja nid betroffe
Ha doch geng zersch zwöi Bärnermüntschi, drü Eggerli und ersch z’letscht e Heineckenpschütti gsoffe

Alptransit isch stolz si hei am Gotthard fertig glochet
D Leuthard isch mit Promi’s us aller Wält scho düreblochet
Das Loch i ds lengste, ds gröschte, da gits nüt ds murre
S isch bigoscht no grösser als em Köppel sini Schnurre

Dr Alex Tschäppat isch einfach gange
Laht üs Fasnächtler ganz einsam hange
kes Cüppli, ke Wisse, has no nid begriffe
Mit em nöie chaisch de äuä es Biogresli kiffe

D Doris Leuthard het e nöie Job e tolle
Als Bundespresidäntin cha si für üs alli d Ouge rolle
D Schminki sitzt u d Fingernegel si gschliffe
Ou im Outfit heti si sech nid vergriffe
Aber d Übergab si duret wot nid grate
Si mues no geng uf d Abschideswort vom Schneider-Ammann warte